Прэзентацыя СЭЗ
Свабодная эканамічная зона (СЭЗ) «Гроднаінвест» створана ў 2002 годзе і ўяўляе сабой тэрыторыю Гродзенскай вобласці плошчай 4156,62 гектара, на якой у дачыненні да рэзідэнтаў СЭЗ дзейнічае спецыяльны прававы рэжым для вядзення інвестыцыйнай і прадпрымальніцкай дзейнасці.
Мэтай стварэння СЭЗ «Гроднаінвест» з'яўляецца спрыянне сацыяльна-эканамічнаму развіццю Гродзенскай вобласці, прыцягненню інвестыцый у стварэнне і развіццё экспартнаарыентаваных вытворчасцей.
Развіццём СЭЗ «Гроднаінвест» займаецца Дзяржаўная ўстанова «Адміністрацыя свабоднай эканамічнай зоны «Гроднаінвест», якая падсправаздачна Савету Міністраў Рэспублікі Беларусь і выконвае наступныя функцыі:
- прадастаўляе ў арэнду рэзідэнтам СЭЗ зямельныя ўчасткi;
- выступае заказчыкам па праектаванні і будаўніцтву аб'ектаў вытворчай, інжынернай, транспартнай і іншай інфраструктуры ў межах СЭЗ
- ажыццяўляе дзяржаўную рэгістрацыю юрыдычных асоб і індывідуальных прадпрымальнікаў
- заключае (падаўжае) дагаворы аб умовах дзейнасці ў СЭЗ і ажыццяўляе кантроль за іх выкананнем
- прымае рашэнні аб рэгістрацыі і пазбаўленні статусу рэзідэнта СЭЗ
- орган кіравання спецыяльным турысцка-рэкрэацыйным паркам «Аўгустоўскі канал»
За 20 гадоў дзейнасці СЭЗ «Гроднаінвест» стала ключавой пляцоўкай для развіцця бізнесу ў Гродзенскай вобласці. Сёння рэзідэнтамі СЭЗ з'яўляецца 80 прадпрыемстваў у сферы дрэваапрацоўкі і мэблевай вытворчасці, машынабудавання і металаапрацоўкі, харчовай і лёгкай прамысловасці, сельскай гаспадаркі з аб'ёмам вытворчасці больш як $ 2,2 млрд. Яны фармуюць чацвёртую частку ўсей вытворчасці рэгіёну і 40% экспарту. Свае сродкі ў рэалізацыю праектаў ўклалі інвестары з 35 краін свету.
Фактарамі, якія абумаўляюць цікавасць інвестараў да стварэння сучасных вытворчых прадпрыемстваў на тэрыторыі СЭЗ «Гроднаінвест», з'яўляюцца:
- выгаднае геаграфічнае размяшчэнне на мяжы двух найбуйнейшых эканамічных саюзаў;
- сучасная развітая інжынерная і транспартная інфраструктура;
- высокі навуковы патэнцыял і доступ да кваліфікаваных кадраў.
Для рэзідэнтаў СЭЗ дзейнічае спецыяльны прававы рэжым, які ўключае ў сябе падатковыя і мытныя прэферэнцыі, якія дазваляюць да 40% скараціць выдаткі па інвестыцыйным праекце.
Тэрыторыя СЭЗ «Гроднаінвест»
Адміністрацыя СЭЗ «Гроднаінвест» акажа ўсебаковую падтрымку, у тым ліку пры вырашэнні пытанняў рэгістрацыі, што дазволіць, выкарыстоўваючы прынцып «аднаго акна», прайсці шлях ад ідэі інвестыцыйнага праекта да рэгістрацыі прадпрыемства ў якасці суб'екта гаспадарання за 1 дзень, у якасці рэзідэнта СЭЗ - за 10 дзён.